قصه رومانسيه بعنوان الحلم الجزء الرابع والاخير 2019

قصه رومانسيه بعنوان الحلم الجزء الرابع والاخير 2019

قصه رومانسيه بعنوان الحلم الجزء الرابع والاخير 2019

بدءت تقرا سطر ورا سطر وعنيها تدمع وجوا قلبها تساؤلات كتيره وعنيها عايزه تقول حجات كتير 

وكانت محتاره تقوله ايه ولا ترد عليه وتقوله ايه فكرت كتير ازاي تقف اودامه وتواجهه واخيرا لقت 

فكره جميله تستاهل صاحبنا ولا عمله عشانها لقت فكره وطريقه عشان تعترف زي ما هو اعترف ليها

وبطريقه محترمه وتاني يوم قابلته وكان معاها هديه وكانت متغلفه بطريقه جميله وقالتله وهي باصه في 

ده هو الرد بتاعي روح بيته وحاب يفتح الهديه ومتردد انه يفتحها عشان خايف من رد الفعل لكن فتحها 

ولقاه كشكول زي بتاعه وكانت كاتبه فيه كل حاجه حلوه كان حابب انه يسمعها وكانت كاتبه رد وسؤال 

علي كل موقف عمله معاها وبعد ما عرف ردها راح واجهها وسألته عملت كل ده ليه قالها عشان وسكت 

قالتله ساكت ليه قالها عشان اول مره احب في حياتي واول ما احب احبك انتي ..والله العظيم لما شوفتك 

كنتي في البدايه حلم بالنسبالي مكنتش متخيل اني هقف معاكي واتكلم كده تقدري تقولي حب من اول نظره 

وقلبي بقي ملهوف عليكي ولما شفتك مع زميلك اللي في الجامعه نار الغيره قادت في قلبي بس ده ردي علي

سؤالك قوليلي بقي ايه ردك علي اجابتي دي هي ساكته وباصه في الارض مكسوفه ومش لاقيه كلام توصف

توصف بيه احساسها تجاهه قالتله ممكن مجاوبش دلواتي قالها صدقيني قلبي فيه حب صادق وانا بحترمك 

وعمري في حياتي ما هضغط عليكي ولا هجبرك علي حاجه انتي مش عايزاها وهي باصه في عنيه ومبتسمه

شاورت بأديها وعملتله باي وقالها هشوفك تاني قالتله انشالله يوم ورا التاني ومقابله بعد مقابله ارتاحتله وبقت

تكلم معاه عادي بكل ارياحيه وفي لحظه رومانسيه قالها كلمه خلتها احرجت وخدودها احمرت مش هتقوليها

بقي قالتله هي ايه دي قالها بحبك قالتله وهو مش باين عليا راح رافع حاجبه اليمين ومبتسم وقالها لا مش باين

قالتله الكلمه اللي بسببها خلته اتكسف هو كمان قالتله بحبك بحبك بحبك

عايزني اقول بحبك وانا يعني مش باين عليا معقوله لسه قلبك محسش باللي في عنيا لو كنت مش واخد 

بالك وبيحصلي اودامك يبقي انتا كده غلطان بعمل حجات علشان تحس بعيني وروحي وقلبي بس اعملك

ايه كمان عملت اللي عليا وزياده شويه وحكتلك احساس بعنيا علشات تفهمني وبفرح لفرحك وبتعب في 

جرحك وفضلت ياحبيبي المحلك انك شاغلني ياحبيبي مجرد مبسلم عليك بيبان شوقي وهوايا وقلبي قرب 

يتكلم ويقولك عاللي جوايا ...هما الاتنين اعترفوا بحبهم لبعض حب صادق من الطرفين انشغلنا بالاتنين 

دول ونسينا الطرف التالت اللي كان قايد نار واللي كان شايف البنت اللي كان عينه عليه وكان في قلبه

من ناحيتها حجات كتير بس طبعا البنت مكنش في قلبها حاجه من ناحيته كانت معتبراها صديق وزميل 

ليها في الجامعه بس الغيره عمت قلبه وخلته يفكر في حجات غريبه مره يعترض طريق البنت ومره يقف

في طريق صاحبنا الحبيب وفي يوم الموضوع اتطور معاه وبقي عنيف واعترض طريق البنت تاني 

ومسك اديها وقالها انتي بتاعتي انا مين اللي انتي حبتيه ده ...ده ميستاهلش قالتله من فضلك بلاش

فضايح في الجامعه وكفايه لحد كده امن الجامعه جه وقالهم مفيش حاجه وهي ماشيه قالها انا هوريكي 

هعملك فيه ايه راحت لحبيبها وحكتله الموقف وانه اعترض طريقها اكتر من مره وانه مسك اديها 

غصب عنها وانه بيهدده وحبيبها بيبصلها بكل برود وابتسامه وقالها متقلقيش ومش هيعترض طريقك 

ولا حتي هيقرب منك حتي قالتله هتعمل ايه قالها كل خير 

وتاني يوم راح سأل علي الطرف التالت مش عشان يتخانق معاه ولا يعنفه بكلمتين لا بالعكس راح قابله 

وفهمه واتكلم معاه واتعرفوا علي بعض وقالو ان الحب مبيجيش بالعافيه ولا تدحك علي اللي اودامك بكلمتين

الحب اللي بجد انك تحترم اللي اودامك وتحترم مشاعره وخليك دايما عارف ومقتنع ان كل حاجه بتحصلك

خير من ربنا وان ربنا ارحم بيك من اي حد وان الحاجه اللي من نصيبك اكيد هتاخدها حتي لو هي اللي 

بعدت عنك اكيد في يوم ربنا هيسبب الاسباب اللي تخليها ترجعلك تاني وان البنت اللي بحبك اللي اعترضت

طريقها لو من نصيبك فعلا هتاخدها اكيد وفعلا الطرف التالت اقتنع بكلامه وصاحبنا رجع لحبيبته

وكانت معاه مفاجأه حلوه اوي اي بنت بتتمناها من حبيبها عرض عليها الجواز وانه ياخد معاد من بباها 

وفعلا اتقدم ليها وصاحبنا فاق من الحلم اللي كان فيه ولكن ربنا الهمه من الحلم ده اكتر من فكره وطريقه

حلال ومحترمه انه يتشجع ويتقرب من البنت اللي بيحبها 

شكرا لقراءتك للقصه ارجو ان لا تكون القصه ممله وضعيفه